2020 жыл Еріктілер жылына орай, Алматы Технология жəне флористика колледжінде "Ерікті болу ерлік" атты тақырыпта КТА ойындары ұйымдастырылды. Ойынның басты мақсаты: студенттердің қоғамдық өмірдегі белсенділігін арттырып, ерікті болудың ерекшелігін түсіндіру.
Ойынға І, ІІ-ші курс студенттері қатысып, барлығы сегіз команда бақтарын сынады. Ойын сəлемдесу, əуенді əзіл, үй тапсырмасы сынды үш кезеңнен тұрды. Əр кезеңде студенттер барын салып жан-жақтылығын көрсетіп бақты. Ойын қорытындысы бойынша, 19-38 топ студенттері бас жүлде иегері атанса, 18-23топ студенттері І ші орыннан көрінді. Жүлделі ІІ-орын 19-39 топ студенттері мен 18-22 топ студенттерінің қоржынында кетті. ІІІ-орынды 19-42 ,18-24,18-20 топ студенттері иемденді. Жарыс жеңімпаздарына алғыс хаттармен арнайы сыйлықтар табыс етілді. Сындарлы қоғамда саналы ұрпақ тəрбиелеу мақсатында ұйымдастырылған шара өз нəтижесіне қол жеткізді.
